urduduniyaa ke aalamee mushaa'ire # 46 meN (Ismail Ajaz)

[Ismail ajaz]

urduduniyaa ke aalamee mushaa'ire # 46 meN  urduduniyaa ke tamaam chaahne waaloN ko (Ismail Ajaz) Khayaal kaa aadaab

waadah toRte haiN aur mukarte jaate haiN
kuchh aise lowg haiN dil se utarte jaate haiN
bohot ummeedeN rakkhte haiN jo lowgoN se sadaa
woh apne aap ko maayoos karte jaate haiN

kyuN apnee zindagee se hum naheeN haiN mutma'in?
jabhee tow TooTte haiN aur bikhrte jaate haiN
dikhaatee hai humeN aa'eenah jab jab zindagee
tow apne aks meN har dam nikharte jaate haiN

humaaree nazroN se woh bach ke jaasakte naheeN
jo sab ke kaan aate jaate bharte jaate haiN
haiN daanishmand woh jo ayeb apne DhooND kar
Khud apnee shaKhSiyat bankar saNwarte jaate haiN

ko'ee kaih de Zaraa jaakar mire maHboob se
"tire baGhair yeh din bhee guzarte jaate haiN"
kabhee tanhaa'ee meN jab yaad aatee hai "Khayaal"
tow aaNsoo aaNkhoN meN aakar Thaiherte jaate haiN


Ismail ajaz Khayaal

[Muzaffar Ahmed Muzaffar]

moHtaram Ismail Ajaz Aadab-o-tasleemaat!

Ummeed hai keh aap khaeriyat se hooN ge. Urduduniya ke mahanah t^araHee mushae'rah ke liye aap kee Ghazal dekhee. meree daanist meN aap ke kalam meN zeyaadah dilkash a'nSar aap kee sheereen-e-bayaanee aor shaoq angez tarakeeb haiN. kaha jata hai keh Ghulam Hamdani MuSHafee ke ba'd kisee shaae'ir ke yahaN woh sheereenee naheeN miltee jo Hasrat ke yahaN miltee hai. un ke yahaN tarakeeb meN shustagee, shaaei'stagee, aor lat^eef faarsiyat miltee hai. aor yahee khubee Hasrat ke kalam ko ishtiyaaq angez bana detee hai. mujhe aap ke kalam meN taGhazzul ka dilrubaa zaai'qah meHsoos hota hai. zabaan sadah aor be saakhtah hai. takalluf aor saakhtagee kee a'da maojudagee ne kalam ko dilkash bana diya hai. meree jaanib se is khubSurat Ghazal par dilee daad qubool keejiye.

chand aek miSre wazan meN naheeN aasake. mumkinah SurateeN pesh-e-khidmat haiN.

waadah toRte haiN aur mukarte jaate haiN
kuchh aise lowg haiN dil se utarte jaate haiN

Waah!
"Woh wa'dah toRte haiN aor mukarte jate haiN
"Woh wa'dah toR ke har dam mukarte jate haiN"

bohot ummeedeN rakkhte haiN jo lowgoN se sadaa
woh apne aap ko maayoos karte jaate haiN

Waah!
"jo dusrooN se ummeedeN laga ke rakhte haiN"

kyuN apnee zindagee se hum naheeN haiN mutma'in?
jabhee tow TooTte haiN aur bikhrte jaate haiN

Waah!
"ham apnee zindagee se kiyooN naheeN haiN mut^ma'in"

dikhaatee hai humeN aa'eenah jab jab zindagee
tow apne aks meN har dam nikharte jaate haiN

Waah!
"hameeN dikhatee jab zindaganee Aai'enah"

humaaree nazroN se woh bach ke jaasakte naheeN
jo sab ke kaan aate jaate bharte jaate haiN

Waah!
"hamaree naz^rooN se bach kar woh ja naheeN sakte
jo kaan shehr meN logooN ke bharte jate haiN"

haiN daanishmand woh jo ayeb apne DhooND kar
Khud apnee shaKhSiyat bankar saNwarte jaate haiN

is she'er ko dekh leejiye ga.

ko'ee kaih de Zaraa jaakar mire maHboob se
"tire baGhair yeh din bhee guzarte jaate haiN"

Waah!
lekin upar ka miSra' wazan meN naheeN asakaa. dekh leejiye ga.

kabhee tanhaa'ee meN jab yaad aatee hai "Khayaal"
tow aaNsoo aaNkhoN meN aakar Thaiherte jaate haiN

"kheyaal jab kabhee tanhaaee meN woh yaad haee"

Wassalam
Muzaffar

[Ismail ajaz]

moHtaram Ismail Ajaz Aadab-o-tasleemaat!

Ummeed hai keh aap khaeriyat se hooN ge. Urduduniya ke mahanah t^araHee mushae'rah ke liye aap kee Ghazal dekhee. meree daanist meN aap ke kalam meN zeyaadah dilkash a'nSar aap kee sheereen-e-bayaanee aor shaoq angez tarakeeb haiN. kaha jata hai keh Ghulam Hamdani MuSHafee ke ba'd kisee shaae'ir ke yahaN woh sheereenee naheeN miltee jo Hasrat ke yahaN miltee hai. un ke yahaN tarakeeb meN shustagee, shaaei'stagee, aor lat^eef faarsiyat miltee hai. aor yahee khubee Hasrat ke kalam ko ishtiyaaq angez bana detee hai. mujhe aap ke kalam meN taGhazzul ka dilrubaa zaai'qah meHsoos hota hai. zabaan sadah aor be saakhtah hai. takalluf aor saakhtagee kee a'da maojudagee ne kalam ko dilkash bana diya hai. meree jaanib se is khubSurat Ghazal par dilee daad qubool keejiye.

chand aek miSre wazan meN naheeN aasake. mumkinah SurateeN pesh-e-khidmat haiN.

waadah toRte haiN aur mukarte jaate haiN
kuchh aise lowg haiN dil se utarte jaate haiN

Waah!
"Woh wa'dah toRte haiN aor mukarte jate haiN
"Woh wa'dah toR ke har dam mukarte jate haiN"

bohot ummeedeN rakkhte haiN jo lowgoN se sadaa
woh apne aap ko maayoos karte jaate haiN

Waah!
"jo dusrooN se ummeedeN laga ke rakhte haiN"

kyuN apnee zindagee se hum naheeN haiN mutma'in?
jabhee tow TooTte haiN aur bikhrte jaate haiN

Waah!
"ham apnee zindagee se kiyooN naheeN haiN mut^ma'in"

dikhaatee hai humeN aa'eenah jab jab zindagee
tow apne aks meN har dam nikharte jaate haiN

Waah!
"hameeN dikhatee jab zindaganee Aai'enah"

humaaree nazroN se woh bach ke jaasakte naheeN
jo sab ke kaan aate jaate bharte jaate haiN

Waah!
"hamaree naz^rooN se bach kar woh ja naheeN sakte
jo kaan shehr meN logooN ke bharte jate haiN"

haiN daanishmand woh jo ayeb apne DhooND kar
Khud apnee shaKhSiyat bankar saNwarte jaate haiN

is she'er ko dekh leejiye ga.

ko'ee kaih de Zaraa jaakar mire maHboob se
"tire baGhair yeh din bhee guzarte jaate haiN"

Waah!
lekin upar ka miSra' wazan meN naheeN asakaa. dekh leejiye ga.

kabhee tanhaa'ee meN jab yaad aatee hai "Khayaal"
tow aaNsoo aaNkhoN meN aakar Thaiherte jaate haiN

"kheyaal jab kabhee tanhaaee meN woh yaad haee"

Wassalam
Muzaffar

moHtaram janaab Muzaffar SaaHeb

salaamtee ho aap par

Allah aap ke ilm meN Khair o barkat aataa farmaaey ,beHad shukriah aap kaa  maiN ne aap kee iSaalaah shudah muHabbaot o inaayat ko apnee Ghazal ke Husn o dilkashee kaa HiSSah banaakar ek baar phir urduduniyaa ke chaahne waaloN kee nigaah e karam ke HuSool kee tamannaa kee hai

Allah aap ko sadaa khush rakhe

mamnoon

Ismail ajaz Khayaal
 

[Ismail ajaz]

ek baar phir aiHbaab kee Khidmat men

[Muzaffar Ahmed Muzaffar]

Biradaram Ismail Ajaz SaaHib aadaab-o-tasleemaat!

Aap kee be baha muHabbat hai keh aap ne faqeer ke mashwarah ko qaabil-e-tawajjah samjhaa aor kalam haza meN batabdeelee shaamil kar ke az sar-e-nao Ghazal  pesh kar diya. is khulooS ke liye mamnoon-e-eHsaan hooN.

Ghazal meN hunooZ chand bateeN lai'q-e-ghaor reh gaeeN haiN. inshAllah agle khat^ meN us par likhne kee koshish karooN ga.

apna kheyaal rakheeN
khaadim
Muzaffar AHmad Muzaffar

[Muzaffar Ahmed Muzaffar]

moHtaram Ismail Ajaz SaaHib aadaab-o-tasleemaat!

Aek muddat ba'd Yorish-e-Aaalaam-e-roozgaar ne mohlat dee to HaaZ^ir ho geya hooN. Haqeeqat to yeh hai keh dil isee bazm meN laga rehta hai. wat^an meN ya wat^an se door kaheeN bhee chala jaooN. dostooN kee yaad aor Anjuman kee raonaq apnee jaanib mutawajjah kiye rakhtee hai. jaesa keh aap se wa'dah kiya thaa keh Ghazal meN do aek bateeN jo hunooZ qaabi-e-tawajjah reh gaeeN thee apnee dusre khat^ meN us baar apnee naachez raae'e pesh karooN ga. so ab HaaZ^ir-e-khidmat hooN.

haiN daanishmand woh jo ayeb apne DhooND kar
Khud apnee shaKhSiyat bankar saNwarte jaate haiN

is kee aek mumkinah Surat darj-e-zael hai.

Woh a'ql mand haiN paa kar jo a'yeb par qabu!
khud apnee Zaat meN bante suNwarte jate haiN

===========

ko'ee kaih de Zaraa jaakar mire maHboob se
"tire baGhair yeh din bhee guzarte jaate haiN"

upar ka miSra' wazan meN naheeN asaka. so aek yeh Surat ho saktee hai.

yeh iltimaas hai keh de yeh koee hamdam se
"tireY baGhaer yeh din bhee guzarte jate haiN"


Wassalam
Muzaffar AHmad Muzaffar

[Ismail ajaz]

moHtaram Ismail Ajaz SaaHib aadaab-o-tasleemaat!

Aek muddat ba'd Yorish-e-Aaalaam-e-roozgaar ne mohlat dee to HaaZ^ir ho geya hooN. Haqeeqat to yeh hai keh dil isee bazm meN laga rehta hai. wat^an meN ya wat^an se door kaheeN bhee chala jaooN. dostooN kee yaad aor Anjuman kee raonaq apnee jaanib mutawajjah kiye rakhtee hai. jaesa keh aap se wa'dah kiya thaa keh Ghazal meN do aek bateeN jo hunooZ qaabi-e-tawajjah reh gaeeN thee apnee dusre khat^ meN us baar apnee naachez raae'e pesh karooN ga. so ab HaaZ^ir-e-khidmat hooN.

haiN daanishmand woh jo ayeb apne DhooND kar
Khud apnee shaKhSiyat bankar saNwarte jaate haiN

is kee aek mumkinah Surat darj-e-zael hai.

Woh a'ql mand haiN paa kar jo a'yeb par qabu!
khud apnee Zaat meN bante suNwarte jate haiN

===========

ko'ee kaih de Zaraa jaakar mire maHboob se
"tire baGhair yeh din bhee guzarte jaate haiN"

upar ka miSra' wazan meN naheeN asaka. so aek yeh Surat ho saktee hai.

yeh iltimaas hai keh de yeh koee hamdam se
"tireY baGhaer yeh din bhee guzarte jate haiN"


Wassalam
Muzaffar AHmad Muzaffar

moHtaram janaab Muzaffar AHmad Muzaffar SaaHeb

Allah aap kee shfqat aur muHabbat ko Sada qaa'im rkkhe,mujh naacheez kee iSlaaH farmaa kar humeshah ke liye shukrgzaaroN meN jagh aur izzat dee hai aap ne

Allah aap ko jaza eKhair ataa farmaaey

mamnoon

Ismail ajaz Khyaal